Bəs Naxçıvan parlamenti?
Azərbaycan Konstitusiyasının 84-cü maddəsinə görə, ölkənin qanunverici hakimiyyət orqanı olan Milli Məclisə seçki beş ildən bir noyabr ayının birinci bazar günü keçirilir. 2020-ci ilin parlament seçkisi noyabrın 1-nə düşür. Ancaq indi növbədənkənar parlament seçkisi təşəbbüsü qaldırılıb və Milli Məclisə seçkinin 2020-ci ilin fevral ayında olacağı gözlənir.
Azərbaycanda əvvəlki parlament seçkiləri 1995-ci il noyabrın 12-də, 2000-ci il noyabrın 5-də, 2005-ci il noyabrın 6-da, 2010-cu il noyabrın 7-də, 2015-ci il noyabrın 1-də olub. Həmin günlər Naxçıvan Muxtar Respublikasının qanunvericilik hakimiyyəti olan Ali Məclisə də seçkilər keçirilib.
Novator.az bildirir ki, Naxçıvan Muxtar Respublikasının Ali Məclisi 45 deputatdan ibarətdir. Deputatlar majoritar seçki sistemi ilə seçilir. Ali Məclis 31 deputatın səlahiyyətləri təsdiq olunduqda səlahiyyətlidir.
Naxçıvan Muxtar Respublikasının Konstitusiyasına əsasən, Ali Məclisin hər çağırışının səlahiyyət müddəti 5 ildir, seçki beş ildən bir noyabr ayının birinci bazar gününə düşür.
Ali Məclis yerli büdcənin təsdiqi; yerli iqtisadi və sosial proqramların təsdiqi; Naxçıvan Muxtar Respublikası baş nazirinin vəzifəyə təyin edilməsi və vəzifədən azad edilməsi; yerli Nazirlər Kabinetinin tərkibinin təsdiqi və kabinetə etimad; Naxçıvan Muxtar Respublikasının insan hüquqları üzrə müvəkkilinin seçilməsi; Naxçıvan Muxtar Respublikası Mərkəzi Seçki Komissiyasının üzvlərinin təyin edilməsi; Naxçıvan Muxtar Respublikası ali vəzifəli şəxsinin fərmanlarının təsdiqi kimi məsələləri həll edir.
Muxtar respublikanın ana qanununda Ali Məclisin buraxılması və növbədənkənar seçki haqqında hər hansı müddəa yoxdur. Ancaq deputat öz mandatından imtina edə bilər.
Naxçıvanda ali vəzifəli şəxs Vasif Talıbovdur. O, 1995, 2000, 2005, 2010, 2015-ci illərdə Naxçıvan Muxtar Respublikası Ali Məclisinin sədri seçilib.
Yeni Azərbaycan Partiyasının deputatları
Növbədənkənar seçki təklifi necə qarşılanır?
ADR Hərəkatından boykot anonsu
Parlamentin buraxılması üçün prezidentə müraciət olundu
