4 dekabr, saat 12
Konstitusiya Məhkəməsinin Plenumu prezidentin sorğusuna dekabrın 4-ü saat 12-dən baxacaq.
Dekabrın 2-də Milli Məclis parlamentin buraxılması və növbədənkənar seçkinin təyin olunması üçün prezidentə müraciət edib. Təşəbbüs prezident İlham Əliyevin sədrlik etdiyi, parlamentdə 68 deputatla təmsil olunan Yeni Azərbaycan Partiyasından gəlib.
Azərbaycanda sonuncu parlament seçkisi 2015-ci il noyabrın 1-də keçirilib. Milli Məclisin buraxılması gündəmə gəlməsəydi, növbəti seçki 2020-ci il noyabrın 1-də olacaqdı.
2016-cı ildə konstitusiyaya əlavə olunmuş 98-1-ci maddəyə görə, Azərbaycan prezidenti Milli Məclisi buraxa bilər. Bu halda 60 gün ərzində yeni parlament seçkisi keçirilməlidir.
Prezident İlham Əliyev dekabrın 2-də Konstitusiya Məhkəməsinə parlamentin buraxılması məsələsinin ana qanuna uyğunluğu ilə bağlı sorğu göndərib. Həmin gün Konstitusiya Məhkəməsinin Palatası iclas keçirərək sorğuya mahiyyəti üzrə, tərəflərin iştirakı ilə baxılmasını dekabrın 4-ü saat 12-yə təyin edib.
Yeni Azərbaycan Partiyasının deputatları
Növbədənkənar seçki təklifi necə qarşılanır?
ADR Hərəkatından boykot anonsu
