Valyutaların 11 ayı
Novator.az xarici valyutaların rəsmi məzənnələrinin yanvar-noyabr aylarında necə dəyişməsinə nəzər salıb.
Avro 2019-cu ilə 1,9323 manatla başlayıb.
Yanvarda maksimum rəsmi kurs 1,9647, fevralda 1,9452, martda 1,9337, apreldə 1,9225, mayda 1,9107, iyunda 1,9396, iyulda 1,9293, avqustda 1,9059, sentyabrda 1,8825, oktyabrda 1,8981, noyabrda 1,8986 manat olub.
25-29 aprel arası, mayın 3-də, 20-24 və 29-31 may, 24 iyul-5 avqust arası avro 1 manat 90 qəpikdən ucuz satılıb. Avqustun 14-dən rəsmi məzənnə yenə 1 manat 90 qəpikdən aşağıdır.
Gürcüstan larisi 0,6346 manatla start götürüb.
Yanvarda rəsmi qiymət 0,6409, fevralda 0,6445, martda 0,6384, apreldə 0,6333, mayda 0,6296, iyunda 0,6235, iyulda 0,6085, avqustda 0,5903, sentyabrda 0,5763, oktyabrda 0,5778, noyabrda 0,5754 manatı ötməyib.
Rusiya rublu 2019-cu ilə 0,0245 manatla girib.
Yanvar və fevralda yüksək kurs kimi 0,0260, mart və mayda 0,0264, aprel, avqust və oktyabrda 0,0267, iyunda 0,0272, iyulda 0,0271, sentyabrda 0,0266, noyabrda 0,0268 manat həddi rəsmiləşib.
Türkiyə lirəsinin ilk rəsmi qiyməti 0,3141 manat göstərilib.
Yanvarda ən yüksək kurs 0,3255, fevralda 0,3275, martda 0,3183, apreldə 0,3073, mayda 0,2877, iyunda 0,2947, iyulda 0,3057, avqustda 0,3104, sentyabrda 0,3006, oktyabrda 0,3009, noyabrda 0,2982 manat olub.
ABŞ dollarının rəsmi qiyməti 2018-ci il martın 7-dən 1,7 manatdır.
2015-ci il fevralın 21-də və dekabrın 21-də baş verən iki devalvasiya nəticəsində dolların rəsmi kursu 0,7862 manatdan 1,5594 manata qalxıb.
2016-cı ildə rəsmi qiymət 1,7707 manata çatıb, 2017-ci il dekabrın 13-dən 2018-ci il martın 7-dək dollar banklara 1,7001 manata təklif olunub.
Dövlət Neft Fondu manatın qorunması üçün Mərkəzi Bankın 2019-cu ilin yanvar-oktyabr aylarında keçirdiyi valyuta hərraclarında 5 milyard 167,6 milyon ABŞ dolları məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
