Cəza xəbəri var, bəs qərar?
Vəkillik fəaliyyəti dayandırılan Şəhla Hümbətova bu haqda rəsmi qərar almayıb.
Bəzi media qurumlarının yaydığı xəbərə görə, noyabrın 27-də Vəkillər Kollegiyasının Rəyasət Heyəti Şəhla Hümbətovanın vəkillik fəaliyyətini dayandırıb, onun vəkilliyinə xitam verilməsi üçün məhkəməyə müraciət edib. Qərarın Şəhla Hümbətovanın vəkillik fəaliyyətində buraxdığı nöqsanlar, kollegiyaya üzvlük haqqı ödəməməsi ilə əsaslandırıldığı vurğulanıb.
Noyabrın 29-da Novator.az-a danışan Şəhla Hümbətova deyib ki, haqqında cəza qərarı çıxarıldığını mediadan oxuyub: “Vəkillər Kollegiyasının Rəyasət Heyətinin sədri Anar Bağırovla görüşə, hər hansı rəsmi qərar ala bilməmişəm”.
Şəhla Hümbətova siyasi məhbusların əsas vəkillərindən biri kimi tanınır.
