FİFA reytinqi açıqlanıb
Beynəlxalq Futbol Federasiyaları Assosiasiyası (FİFA) milli komandaların reytinqini açıqlayıb. Novator.az-ın məlumatına görə, Azərbaycanın milli futbol komandası 114-cü yerdə qərar tutur.
Belçikanın liderlik etdiyi reytinqdə Ukrayna 24-cü, Türkiyə 29-cu, İran 33-cü, Rusiya 38-ci, Özbəkistan 85-ci, Belarus 87-ci, Gürcüstan 91-ci, Qırğızıstan 96-cı, Ermənistan 102-ci, Estoniya 103-cü sıradadır.
FİFA reytinqi oyunların əhəmiyyəti, rəqiblərin oyuna qədər mövqeyi nəzərə alınmaqla əldə edilən nəticələr əsasında tərtib olunur.
Rəsmi yoldaşlıq oyununun əmsalı ən azı 5, ən çoxu 10, beynəlxalq turnirdə oyunun minimum əmsalı 15, maksimum əmsalı 60-dır.
Əsas və əlavə vaxtda qələbə 1 xal, penalti seriyasında qələbə 0,75 xal, həmin seriyada məğlubiyyət 0,5 xaldır.
