Moskva-Peterburq yolu qısaldı
Rusiyanın paytaxtı Moskvanı ölkənin ikinci böyük şəhəri Sankt-Peterburqla birləşdirən yeni avtomobil yolu – Neva magistralı noyabrın 27-də istifadəyə verilib. Novator.az bildirir ki, 700 kilometrə yaxın yolda gediş pulludur.
Maksimal sürətin saatda 110 kilometr müəyyən edildiyi Neva magistralında Moskvadan Sankt-Peterburqa gedişin köhnə yoldan 4 saat tez başa gələcəyi vurğulanır.
Magistralda 16 ödəniş məntəqəsi, 6 servis mərkəzi, 15 yanacaqdoldurma stansiyası qurulub.
