Böyük liqada növbəti tur
UEFA Çempionlar Liqasında qrup raundunun beşinci turu start götürüb. Novator.az-ın məlumatına görə, noyabrın 26-da keçirilən oyunlardan sonra A qrupundan İspaniya “Real”ı növbəti mərhələyə çıxıb.
PSJ (Fransa) 1/8 finala daha əvvəl adlamışdı.
Qrupda üçüncü yerin sahibi Avropa Liqasına ələnir. Bu vəsiqə uğrunda Belçikanın “Brügge” (3 xalı var) və Türkiyənin “Qalatasaray” (2 xal) klubları mübarizə aparır.
İndiyədək B qrupundan “Bavariya” (Almaniya) və “Tottenhem” (İngiltərə), C qrupundan “Mançester Siti” (İngiltərə), D qrupundan “Yuventus” (İtaliya) növbəti mərhələyə vəsiqəni təmin ediblər.
1955-ci ildə yaradılmış, 1991-ci ilə qədər Çempionlar kuboku adlanmış turniri “Real” 13, “Bavariya” 5, “Yuventus” 2 dəfə zirvədə tamamlayıb.
