Avropa Məhkəməsinin Azərbaycana kəsdiyi cərimələr
Hüquqşünas Xalid Ağalıyev Avropa İnsan Hüquqları Məhkəməsinin təzminat qərarları ilə bağlı statistika yayıb. Novator.az-ın məlumatına görə, hüquqşünas yazır ki, Avropa Məhkəməsi 2011-ci ildə 72 milyon, 2012-ci ildə 176 milyon, 2013-cü ildə 135 milyon avro təzminat müəyyən edib.
Xalid Ağalıyev 2014-cü ildə Avropa Məhkəməsinin ölkələrin üzərinə ümumilikdə 2 milyard avro təzminat ödəmək yükü qoyduğunu vurğulayır: “Bütün ölkələr üzrə təzminatın məbləği 2015-ci ildə 53 milyon, 2016-cı ildə 82 milyon, 2017-ci ildə 60 milyon avro olub.
Azərbaycan 2011-ci ildə 310 min, 2012-ci ildə 308 min, 2013-cü ildə 293 min, 2014-cü ildə 289 min, 2015-ci ildə 311 min avro cərimələnib.
2016-cı ildə Azərbaycan dövlətinin üzərinə ərizəçilərə ümumilikdə 815 min, 2017-ci ildə 817 min avro təzminat ödəmək vəzifəsi qoyulub. 2018-ci ildə bu məbləğ 186 min, 2019-cu ilin ilk 6 ayında 146 min avro həddində rəsmiləşib”.
