AXCP üzvü 5 illik həbsi başa vurdu
AXCP Ali Məclisi Rəyasət Heyətinin üzvü, Qarabağ müharibəsi əlili Asif Yusifli noyabrın 25-də azadlığa buraxılıb. Xəbəri Report.az yayıb.
Asif Yusifli 2014-cü il noyabrın 25-dən həbsdə idi. Bakı Ağır Cinayətlər Məhkəməsi onu dələduzluqda və sənədlərin saxtalaşdırılmasında təqsirli bilərək 7 il 6 ay müddətinə azadlıqdan məhrum edib. 2016-cı ildə Ali Məhkəmə cəzanı 6 ilə, 2017-ci ildə 5 ilə endirib.
5 illik cəza 2019-cu il noyabrın 25-də baş çatıb.
Bir çox yerli və beynəlxalq hüquq müdafiə təşkilatı Asif Yusiflini siyasi məhbus sayıb.
