Nazirlik yeni evlər təqdim edib
Əmək və Əhalinin Sosial Müdafiəsi Nazirliyi noyabrın 21-də Ağcabədi, Bərdə, Ağdam, Sabirabad və başqa rayonlarda yeni tikilmiş 39 fərdi yaşayış evini şəhid ailələri və Qarabağ müharibəsi əlillərinin istifadəsinə verib.
Noyabrın 22-də yayılan məlumatda isə Abşeron rayonunun Qobu qəsəbəsində 10 fərdi yaşayış evinin şəhid ailələri və Qarabağ müharibəsi əlillərinə təqdim edildiyi bildirilir. Mərasimdə qeyd olunub ki, şəhid ailələri və ölkənin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi olan şəxslər indiyədək nazirlikdən 7040 mənzil və fərdi yaşayış evi alıb.
