Gedən gələndən çox artıb
2019-cu ilin yanvar-oktyabr aylarında Azərbaycana 192 ölkədən 2 milyon 682,4 min və ya ötən ilin on ayı ilə müqayisədə 10,8 faiz çox əcnəbi gəlib. Novator.az bildirir ki, Dövlət Statistika Komitəsi Sərhəd Xidmətinə istinadla belə hesabat yayıb.
Rəsmi məlumata görə, on ayda Azərbaycana gələnlərin 29,8 faizi Rusiya, 22,1 faizi Gürcüstan, 9,8 faizi Türkiyə, 8,2 faizi İran, 3,7 faizi Səudiyyə Ərəbistanı, 2 faizi Birləşmiş Ərəb Əmirlikləri, qalanları digər ölkələrin vətəndaşları və vətəndaşlığı olmayan şəxslərdir.
Hesabata əsasən, yanvar-oktyabr aylarında xarici ölkələrə gedən Azərbaycan vətəndaşlarının sayı əvvəlki ilin on ayı ilə müqayisədə 15,9 faiz artaraq 4 milyon 653,9 min nəfərə çatıb.
Ölkə vətəndaşlarının 36,5 faizinin İrana, 28,8 faizinin Gürcüstana, 17,5 faizinin Rusiyaya, 11,6 faizinin Türkiyəyə, 5,6 faizinin digər ölkələrə getdiyi vurğulanır.
