4 vəsiqə, 16 namizəd
2020-ci ilin Avropa futbol çempionatına son vəsiqələr uğrunda mübarizə aparan dördlüklər bəlli olub. Seçim UEFA Millətlər Liqasının 2018-ci ildə keçirilmiş qrup turnirinin yekunları əsasında aparılıb.
Bu mərhələnin oyunları 2020-ci il martın 26-sı (yarımfinallar) və 31-nə (finallar) təyin olunub. Hər dördlükdən bir komanda final mərhələsinə keçəcək.
Novator.az-ın məlumatına görə, yarımfinal cütlükləri belədir:
A dördlüyü
İslandiya – Rumıniya
Bolqarıstan – Macarıstan
B dördlüyü
Bosniya – Şimali İrlandiya
Slovakiya – İrlandiya
C dördlüyü
Şotlandiya – İsrail
Norveç – Serbiya
D dördlüyü
Gürcüstan – Belarus
Şimali Makedoniya – Kosovo.
Bolqarıstan – Macarıstan, Bosniya – Şimali İrlandiya, Norveç – Serbiya, Gürcüstan – Belarus görüşlərinin qalibləri final oyununu öz meydanında keçirəcək.
20 komanda Avropa çempionatının finalına vəsiqəni təmin edib: Almaniya, Rusiya, İspaniya, Fransa, İtaliya, Çexiya, Hollandiya, İngiltərə, Danimarka, Portuqaliya, İsveç, Belçika, Xorvatiya, İsveçrə, Türkiyə, Polşa, Avstriya, Ukrayna, Uels, Finlandiya.
Final raundu 2020-ci il iyunun 12-dən iyulun 12-dək Bakı, Sankt-Peterburq, Buxarest, Budapeşt, Kopenhagen, Amsterdam, Münhen, Roma, Bilbao, London, Dublin, Qlazqo şəhərlərində keçiriləcək. Bakı Olimpiya Stadionu 3 qrup oyununa, 1 dörddə bir finala ev sahibliyi edəcək.
