Prezident Sumqayıta baş çəkib
Prezident İlham Əliyev noyabrın 21-də Sumqayıt Dövlət Dram Teatrında şəhərin 70 illiyinə həsr olunmuş tədbirə qatılıb. AZƏRTAC xəbər verir ki, dövlət başçısı tədbirdə nitq söyləyib. Sonra Sumqayıt Şəhər İcra Hakimiyyətinin başçısı Zakir Fərəcov, əməkdar müəllim Ofeliya Babayeva, “Sumqayıt Kimya Sənaye Parkı” MMC-nin direktoru Nazim Talıbov, 1 nömrəli poliklinikanın baş həkimi Arzu Bəndəliyeva, əməkdar inşaatçı Maqsud Maqsudov, Sumqayıt Dövlət Dram Teatrının aktyoru Cəlal Məmmədov çıxış ediblər.
Həmin gün Sumqayıtda dövlət başçısının iştirakı ilə “Nizami” kinoteatrının yeni binası, Muğam Mərkəzi açılıb.
İlham Əliyev həmçinin Sumqayıt Dənizkənarı Bulvar Kompleksinin yeni salınmış hissəsində yaradılan şəraitlə tanış olub.
1949-cu ilin noyabrın 22-də Azərbaycan SSR Ali Soveti Rəyasət Heyətinin qərarı ilə Sumqayıta şəhər statusu verilib. 2019-cu il oktyabrın 1-nə şəhərin əhalisi 344,8 min nəfər həddində rəsmiləşib.
