Naxçıvanda orta maaş nə qədərdir?
Naxçıvan Muxtar Respublikasının rəsmi statistika qurumu 2019-cu ilin sosial-iqtisadi göstəricilərini açıqlayıb. Novator.az bildirir ki, hesabata görə, yanvar-oktyabr aylarında ümumi daxili məhsul istehsalı bir il öncəki göstəricini 1,4 faiz ötərək 2,2 milyard manata çatıb. Hər nəfərə düşən ümumi daxili məhsul 4883,6 manat göstərilir.
On ayda sənaye məhsulu istehsalında ötən ilin müvafiq dövrü ilə müqayisədə 1,2 faiz, sərmayə yatırımında 1,2 faiz, kənd təsərrüfatı məhsulu istehsalında 4,3 faiz artım qeydə alınıb.
Xarici ticarət dövriyyəsinin 1,6 faiz, ixracın 0,2 faiz, idxalın 11,2 faiz yüksəldiyi xəbər verilir.
Rəsmi hesabata əsasən, muxtar respublikada bir işçiyə hesablanmış orta aylıq əməkhaqqı oktyabrın 1-nə 462,7 manat olub.
Ölkə üzrə analoji göstərici 603,5 manatdır.
