İş və işsizlik statistikası
Dövlət Statistika Komitəsi məşğulluq və işsizlik hesabatı yayıb. Novator.az bildirir ki, rəsmi hesabata görə, 2019-cu il noyabrın 1-nə Azərbaycanda iqtisadi fəal əhalinin sayı 5 milyon 196,9 min nəfər olub, onların 4 milyon 945,1 min nəfərini məşğul əhali təşkil edib.
Muzdla işləyənlərin sayı oktyabrın 1-nə 1 milyon 639,1 min nəfər göstərilir.
Noyabrın 1-nə 78 min 711 nəfər rəsmən işsiz kimi qeydə alınıb, işsizlikdən sığorta ödənişinin orta məbləği 286,5 manat olub.
Sığorta ödənişi işçinin sığorta stajından asılı olaraq onun itirilmiş orta aylıq əməkhaqqının məbləğinə müəyyən faiz dərəcələri tətbiq olunmaqla hesablanır. İşçinin sığorta stajı 3 ildən 5 ilə qədər olduqda onun itirilmiş orta aylıq əməkhaqqının məbləğinin 50%-i, sığorta stajı 5 ildən 10 ilə qədər olduqda 55%-i, sığorta stajı 10 ildən yuxarı olduqda 60%-i məbləğində işsizliyə görə aylıq sığorta ödənişi verilir.
