Yaxın ölkələrlə rəsmi ticarət statistikası
Novator.az Azərbaycanın yaxın ölkələrlə rəsmi ticarət statistikasına nəzər salıb.
Dövlət Gömrük Komitəsinin hesabatına görə, 2019-cu ilin yanvar-oktyabr aylarında Azərbaycan Türkiyəyə 2 milyard 314,7 milyon dollarlıq məhsul ixrac edib.
Rusiyaya 570 milyon dollarlıq, Gürcüstana 495,6 milyon dollarlıq, Ukraynaya 327,4 milyon dollarlıq, İrana 30,9 milyon dollarlıq, Qazaxıstana 21,1 milyon dollarlıq, Özbəkistana 19,3 milyon dollarlıq, Türkmənistana 19,2 milyon dollarlıq, Belarusa 17,3 milyon dollarlıq, Tacikistana 2,9 milyon dollarlıq, Estoniyaya 2,1 milyon dollarlıq, Qırğızıstana 2,1 milyon dollarlıq, Litvaya 1,3 milyon dollarlıq, Latviyaya 638,3 min dollarlıq, Moldovaya 496,9 min dollarlıq ixrac qeydə alınıb.
Yanvar-oktyabr aylarında Azərbaycan Rusiyadan 1 milyard 870,4 milyon dollarlıq mal alıb.
Türkiyədən Azərbaycana 1 milyard 326,8 milyon dollarlıq, İrandan 391,7 milyon dollarlıq, Ukraynadan 384,8 milyon dollarlıq, Qazaxıstandan 170 milyon dollarlıq, Belarusdan 141 milyon dollarlıq məhsul göndərilib.
Digər yaxın ölkələrdən on aylıq idxal göstəriciləri belə rəsmiləşib:
Türkmənistan – 166,8 milyon dollar
Gürcüstan – 59,9 milyon dollar
Özbəkistan – 40,4 milyon dollar
Litva – 13 milyon dollar
Latviya – 9,3 milyon dollar
Moldova – 4 milyon dollar
Qırğızıstan – 2,1 milyon dollar
Estoniya – 1,5 milyon dollar
Tacikistan – 9,4 min dollar.
