Məzənnə yenilikləri
Noyabrın 18-də bir çox valyuta bahalaşıb. Novator.az-ın məlumatına görə, avro 1,8804, İngiltərə funt sterlinqi 2,1969, Rusiya rublu 0,0267, Türkiyə lirəsi 0,2957 manata yüksəlib.
ABŞ dollarının rəsmi kursu 1,7 manat həddində qalıb.
Mərkəzi Bank dəyər itirən Çin yuanını 0,2425, Gürcüstan larisini 0,5725 manata təklif edir (Valyutalar).
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb. Dolların indiki rəsmi qiyməti 2018-ci il martın 7-dən qüvvədədir.
Dövlət Neft Fondu manatın qorunması üçün Mərkəzi Bankın 2019-cu ilin yanvar-oktyabr aylarında keçirdiyi valyuta hərraclarında 5 milyard 167,6 milyon ABŞ dolları məbləğində vəsait satıb.
