![]({"full":{"0":"2019\/11\/Qelebe-1.jpg","1":750,"2":450,"3":false,"file":"https:\/\/novator.az\/wp-content\/uploads\/2019\/11\/Qelebe-1.jpg"}})
Avropa futbol çempionatının seçmə mərhələsində qrup turniri başa çatmaq üzrədir. Novator.az-ın məlumatına görə, noyabrın 18-dək A qrupundan İngiltərə və Çexiya, B qrupundan Ukrayna və Portuqaliya, C qrupundan Almaniya və Hollandiya, F qrupundan İspaniya və İsveç, G qrupundan Polşa və Avstriya, H qrupundan Fransa və Türkiyə, İ qrupundan Belçika və Rusiya, J qrupundan İtaliya və Finlandiya milli komandaları final raunduna çıxıblar.
Finala qruplarda ilk iki yeri tutan yığmalar adlayır.
D qrupunda vəsiqələrə 15 xalla Danimarka, 14 xalla İsveçrə, 12 xalla İrlandiya namizəddir.
E qrupundan bir vəsiqə Xorvatiyaya qismət olub. Digər vəsiqə uğrunda 12 xalla Macarıstan, 11 xalla Uels, 10 xalla Slovakiya mübarizə aparırlar.
Avropa çempionatının final mərhələsi 2020-ci ilin yayında Bakı, Sankt-Peterburq, Buxarest, Budapeşt, Kopenhagen, Amsterdam, Münhen, Roma, Bilbao, London, Dublin, Qlazqo şəhərlərində keçiriləcək. Bakı Olimpiya Stadionu 3 qrup oyununa, 1 dörddə bir finala ev sahibliyi edəcək.