![]({"full":{"0":"2019\/11\/Turkiye-komanda.jpg","1":751,"2":423,"3":false,"file":"https:\/\/novator.az\/wp-content\/uploads\/2019\/11\/Turkiye-komanda.jpg"}})
Avropa futbol çempionatının seçmə mərhələsində növbəti tur start götürüb. Novator.az-ın məlumatına görə, 14 noyabr oyunlarında A qrupundan İngiltərə və Çexiya, H qrupundan Fransa və Türkiyə milli komandaları final raunduna çıxıblar.
55 milli komanda 10 qrupda mübarizə aparır. Final raunduna qruplarda ilk iki yeri tutan yığmalar adlayır.
B qrupunda Ukrayna final mərhələsinə bilet alıb. İkinci vəsiqəyə Portuqaliya (14 xal) və Serbiya (13 xal) iddialıdır.
C qrupunda finala çıxmaq imkanları olan Hollandiya və Almaniya 15, Şimali İrlandiya 12 xal əldə edib.
D qrupunda vəsiqələrə 12 xalla İrlandiya və Danimarka, 11 xalla İsveçrə namizəddir.
E qrupunda 1 xal yığan Azərbaycan milli komandası final şansını itirib. Xorvatiya 14, Macarıstan 12, Slovakiya 10, Uels 8 xal yığıb.
F qrupunda İspaniya final raunduna keçib. Digər final bileti üçün İsveç (15 xal), Rumıniya (14 xal) və Norveç (11 xal) yarışır.
G qrupunda Polşa finala çıxıb. İkinci vəsiqə üçün mübarizə aparan Avstriya 16, Şimali Makedoniya, Sloveniya və İsrail 11 xal toplayıb.
İ qrupunda məsələ həll olunub: Belçika və Rusiya final mərhələsinə vəsiqəni təmin ediblər.
J qrupunda İtaliya final mərhələsinə vəsiqə alıb. Digər vəsiqəyə Finlandiya (15 xal), Ermənistan və Bosniya (10 xal) namizəddir.
Avropa çempionatının final mərhələsi 2020-ci ilin yayında Bakı, Sankt-Peterburq, Buxarest, Budapeşt, Kopenhagen, Amsterdam, Münhen, Roma, Bilbao, London, Dublin, Qlazqo şəhərlərində keçiriləcək. Bakı Olimpiya Stadionu 3 qrup oyununa, 1 dörddə bir finala ev sahibliyi edəcək.