Pul siyasəti icmalı yayılıb
Mərkəzi Bank 2019-cu ilin yanvar-sentyabr ayları üzrə pul siyasəti icmalı açıqlayıb. Novator.az-ın məlumatına görə, hesabatda bildirilir ki, 9 ayda qeyri-nağd valyuta bazarında aparılmış əməliyyatların həcmi 19,5 milyard ABŞ dolları ekvivalentində olub, əməliyyatların 81,8%-i ABŞ dollarında, 18,2%-i digər valyutalarda aparılıb.
Bankların nağd xarici valyutanın alış və satışı üzrə apardığı əməliyyatların həcmi 4,1 milyard ABŞ dolları ekvivalentində göstərilir. Bunun 78%-ni ABŞ dolları ilə aparılmış əməliyyatlar təşkil edib.
Hesabata əsasən, doqquz ayda manat türk lirəsinə qarşı 6,6%, avroya qarşı 4,5%, gürcü larisinə qarşı 9,8% bahalaşıb, Ukrayna qrivnasına qarşı 14,3%, Rusiya rubluna qarşı 7,3%, yapon yeninə qarşı 2,6% ucuzlaşıb.
