Gürcüstanın 10 aylıq ticarəti
Gürcüstanın Milli Statistika Xidməti 2019-cu ilin 10 ayı üzrə xarici ticarət hesabatı açıqlayıb. Novator.az xəbər verir ki, statistikaya əsasən, yanvar-oktyabr aylarında ölkənin xarici ticarət dövriyyəsi 2018-ci ilin eyni dövrü ilə müqayisədə 0,5% artaraq 10,4 milyard dollara yaxınlaşıb.
10 ayda Gürcüstandan 3 milyard dollardan artıq dəyərdə məhsul ixrac olunub. Bu, 2018-ci ilin 10 ayı ilə müqayisədə 10,4% çoxdur.
Rəsmi məlumata görə, ilin əvvəlindən Gürcüstana 7,3 milyard dollar həcmində məhsul idxal olunub. Bu, 2018-ci ilin yanvar-oktyabr ayları ilə müqayisədə 3,1% azdır.
Hesabata əsasən, 10 ayda Gürcüstanın əsas xarici ticarət tərəfdaşları Türkiyə, Rusiya və Azərbaycan olub.
Səidə Hüseynova
