Xərci artıran qanun imzalandı
Prezident İlham Əliyev “Dövlət rüsumu haqqında” qanuna dəyişiklikləri imzalayıb. Yeniliyə əsasən, 2020-ci il yanvarın 1-dən avtomobil nəqliyyat vasitələrinin texniki baxışdan keçirilməsi üçün dövlət rüsumu 20 manatdan 30 manata qaldırılır.
Novator.az bildirir ki, başqa bir dəyişikliyə görə, dövlət rüsumunun 30 faizi müvafiq icra hakimiyyəti orqanı işçilərinin sosial müdafiəsini gücləndirməyə və maddi təminatını yaxşılaşdırmağa, habelə texniki baxış stansiyalarının saxlanmasını təmin etməyə yönəldiləcək, qalan hissəsi “Avtomobil Yolları” Məqsədli Büdcə Fonduna köçürüləcək.
Texniki baxış Daxili İşlər Nazirliyinin səlahiyyətindədir.
