Dövlət Miqrasiya Xidmətinin qərar hesabatı
Dövlət Miqrasiya Xidməti 2019-cu ilin oktyabr ayı üzrə hesabat yayıb. Novator.az bildirir ki, rəsmi məlumata görə, ay ərzində əcnəbilərin olduğu yer üzrə qeydiyyatı ilə bağlı 49924 müraciət qeydə alınıb.
Ölkədə müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, vətəndaşlıq mənsubiyyətinin və qaçqın statusunun müəyyənləşdirilməsi, əmək fəaliyyətinin həyata keçirilməsi üçün iş icazələri yönündə 11805 müraciətin daxil olduğu vurğulanır.
Hesabata əsasən, oktyabr ayında miqrasiya sahəsində qanunvericiliyin tələblərinin pozulması ilə əlaqədar 1392 qərar qəbul edilib.
802-i qərarda inzibati cərimə, 534 qərarda ölkə ərazisinə girişə məhdudiyyət yer alıb.
22 qərar müvəqqəti və daimi yaşamaq üçün icazə vəsiqələrinin itirilməsi, 15 qərar qeydiyyat tələblərinin, 18 qərar işə cəlb edilmə qaydalarının, 1 qərar qanunvericiliyin digər tələblərinin pozulması ilə bağlı olub.
