Yenə yarımçıq qələbə
İspaniyada noyabrın 10-da keçirilmiş növbədənkənar parlament seçkisinin nəticələri açıqlanıb. Novator.az-ın məlumatına görə, baş nazir səlahiyyətlərini icra edən Pedro Sançesin Sosialist Fəhlə Partiyası 350 nəfərlik aşağı palataya 120 mandat qazanıb.
Sağ qüvvələri birləşdirən ana müxalifət qurumu – Xalq Partiyası 88 mandat, millətçilərin Səs Partiyası 52 mandat, solçuların Podemos Partiyası 35 mandat götürüb.
Seçkinin nəticələri koalisiyanı qaçılmaz edir. Hökumət qurmaq üçün 176 mandat tələb olunur.
Sosialistlər aprelin 28-də keçirilmiş parlament seçkisində də qalib gəlib, ancaq koalisiya hökuməti qura bilməyib.
1972-ci il təvəllüdlü Pedro Sançes hökumətə 2018-ci il iyunun 1-dən başçılıq edir.
