Səfərdə yara
UEFA-nın Avropa Liqasında qrup mərhələsinin dördüncü turu yekunlaşıb. Novator.az-ın məlumatına görə, A qrupunda yarışan Azərbaycan təmsilçisi “Qarabağ” noyabrın 7-si səfərdə Kiprin APOEL komandasına 1:2 hesabı ilə uduzaraq ikinci pilləni əldən verib.
Lüksemburqda “Düdelanj”ı 5:2 hesabı ilə yenən İspaniya “Sevilya”sı isə növbəti raunda çıxıb.
1/16 finala qrupda ilk iki yeri tutan komandalar adlayır. Dörd turdan sonra “Sevilya”nın 12, APOEL və “Qarabağ”ın 4, “Düdelanj”ın 3 xalı var.
Qalan oyunlar:
28 noyabr
“Sevilya” – “Qarabağ”
“Düdelanj” – APOEL
12 dekabr
APOEL – “Sevilya”
“Qarabağ” – “Düdelanj”.
7 noyabr oyunlarından sonra digər qruplardan “Bazel” (İsveçrə), “Seltik” (Şotlandiya), “Espanyol” (İspaniya), “Mançester Yunayted” (İngiltərə) növbəti mərhələyə vəsiqə əldə ediblər.
