Rəsmi məzənnələr
Mərkəzi Bank noyabrın 8-də avronun məzənnəsini 1,8782 manata endirib.
Novator.az-ın məlumatına görə, İngiltərə funt sterlinqi də dəyər itirib: 2,1781 manat.
Bahalaşan Çin yuanı banklara 0,2435, Gürcüstan larisi 0,5749, Türkiyə lirəsi 0,2955 manata təklif olunur.
ABŞ dollarının rəsmi kursu 1,7, BƏƏ dirhəmi 0,4628, Rusiya rublu 0,0267 manat səviyyəsində saxlanıb (Valyutalar).
2015-ci ildə Azərbaycan valyutasının devalvasiyalara uğraması nəticəsində dolların rəsmi kursu 0,7844 manatdan 1,5594 manata qalxıb.
2016-cı ildə rəsmi qiymət 1,7707 manata çatıb.
2017-ci ilin fevralında ilk devalvasiyadan sonra ən yuxarı rəsmi qiymət qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən 1,7 manata satılır.
Avro 2019-cu ilə 1,9323 manatla başlayıb.
25-29 aprel arası, mayın 3-də, 20-24 və 29-31 may, 24 iyul-5 avqust arası avro 1 manat 90 qəpikdən ucuz satılıb. Avqustun 14-dən rəsmi məzənnə yenə 1 manat 90 qəpikdən aşağıdır.
Gürcüstan larisi 0,6346, Rusiya rublu 0,0245, Türkiyə lirəsi 0,3141 manatla start götürüb.
Dövlət Neft Fondu manatın qorunması üçün Mərkəzi Bankın 2019-cu ilin yanvar-oktyabr aylarında keçirdiyi valyuta hərraclarında 5 milyard 167,6 milyon ABŞ dolları məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
