Oqtay süni nəfəs aparatından çıxarılıb
İstanbuldakı Avrasiya Hospitalında yatan hüquq müdafiəçisi Oqtay Gülalıyevin oğlu Təbriz noyabrın 8-də yeni məlumat yayıb. Novator.az-ın məlumatına görə, Təbriz bildirir ki, atasının durumu hələ də ağırdır: “Süni nəfəs aparatından çıxarılıb, ancaq yenə koma vəziyyətindədir. Həkimlər tezliklə ayılacağı barədə bir söz demir.
Daxili orqanlarında heç bir zədə olmadığı üçün sərbəst nəfəs alması normaldır. Əsas başında olan ağır zədələrdir. Bununla bağlı heç bir irəliləyiş yoxdur”.
Oqtay Gülalıyev müxalif görüşləri ilə tanınır. Demokratik Qüvvələrin Milli Şurasının üzvü, Repressiya və İşgəncələr Əleyhinə Komitənin koordinatorudur.
2019-cu il oktyabrın 29-u axşam Oqtay Gülalıyevi Bakıda minik avtomobili vurub. Hadisəni törədən sürücü Oqtay Gülalıyevi Kliniki Tibbi Mərkəzə çatdırıb. İlkin tibbi yardım göstərildikdən sonra Oqtay Gülalıyev kəllə-beyin travması, baş beynin əzilməsi, sol təpə sümüyündə sınıq, sol yarımkürədə çoxsaylı qansızmalar diaqnozu ilə “City Hospital”a köçürülüb, oktyabrın 30-u orada əməliyyat olunub, noyabrın 1-dən Respublika Neyrocərrahiyyə Xəstəxanasının reanimasiya şöbəsində müalicə alıb.
Birinci vitse-prezident Mehriban Əliyevanın rəhbərlik etdiyi Heydər Əliyev Fondu noyabrın 5-də Oqtay Gülalıyevin müalicəsini öz üzərinə götürüb, noyabrın 6-da o, İstanbula aparılıb.
Oqtay Gülalıyevin vəziyyəti necədir?
Oqtay Gülalıyevin işi: maddədə nə deyilir?
Oqtay Gülalıyev reanimasiya şöbəsindədir
Oqtay Gülalıyevin vəziyyəti ilə bağlı açıqlamalar
Oqtay Gülalıyevin vəziyyəti: professor açıqlama verib
