Mustafa Hacıbəyli departament rəhbəri oldu
Jurnalist Mustafa Hacıbəyli Müsavat Partiyasının Mətbuat və İnformasiya Departamentinin rəhbəri təyin olunub. Sərəncamı noyabrın 8-də partiya başqanı Arif Hacılı imzalayıb.
Novator.az bildirir ki, 1972-ci il təvəllüdlü Mustafa Hacıbəyli Dövlət İdarəçilik Akademiyasını bitirib, Şərqi Avropada Demokratiyanın İnkişafı İnstitutunun layihəsi ilə Polşada jurnalistika sahəsi üzrə ixtisaslaşıb. “525-ci qəzet”də, “Yeni Müsavat” qəzetində çalışıb, “Demokrat” qəzetinin baş redaktoru olub. Hazırda “Basta” saytına rəhbərlik edir.
Qarabağ müharibəsi veteranıdır.
Mustafa Hacıbəyli 1992-ci ildən Müsavat Partiyasının üzvüdür, Divanda təmsil olunur.
