İnternet azadlığı reytinqi açıqlanıb
“Freedom House” beynəlxalq insan hüquqları təşkilatı dünyanın 65 ölkəsini əhatə edən internet azadlığı reytinqini açıqlayıb.
Hesabata əsasən, dünyada internet istifadəçilərinin 87%-i həmin 65 ölkədə yaşayır, bu ölkələrin 40-da internet istifadəçilərini izləyən proqramlardan istifadə edilir.
“Turan” xəbər verir ki, reytinq cədvəlində ölkələr internetdən istifadə imkanlarının səviyyəsinə görə üç qrupa bölünüb: azad ölkələr, qismən azad ölkələr, azad olmayan ölkələr.
Keçmiş SSRİ məkanından beş ölkə internetin azad olduğu ölkələr sırasında qərarlaşıb: Estoniya, Latviya, Litva, Ermənistan və Gürcüstan.
Qırğızıstan və Ukrayna internetin qismən azad olduğu ölkələr sayılır.
Azərbaycan internetin azad olmadığı ölkələr sırasına daxil edilib. Bu sırada Belarus, Qazaxıstan, Rusiya və Özbəkistan da var.
