Eniş və sabitlik
Noyabrın 5-də avronun rəsmi kursu 1,8911 manata düşüb.
Novator.az-ın məlumatına görə, Gürcüstan larisi (0,5737 manat) və Türkiyə lirəsi də (0,2965 manat) ucuzlaşıb.
Mərkəzi Bank ABŞ dollarının məzənnəsini 1,7, Rusiya rublunu 0,0268 manat səviyyəsində saxlayıb (Valyutalar).
Dolların indiki rəsmi qiyməti 2018-ci il martın 7-dən qüvvədədir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu manatın qorunması üçün Mərkəzi Bankın 2019-cu ilin yanvar-oktyabr aylarında keçirdiyi valyuta hərraclarında 5 milyard 167,6 milyon ABŞ dolları məbləğində vəsait satıb. Yanvarın hərraclarında fonddan 634,9 milyon dollar, fevralın hərraclarında 316,2 milyon dollar, martın hərraclarında 600,5 milyon dollar, aprelin hərraclarında 423,7 milyon dollar, mayın hərraclarında 352,4 milyon dollar, iyunun hərraclarında 315,9 milyon dollar, iyulun hərraclarında 434,9 milyon dollar, avqustun hərraclarında 815,4 milyon dollar, sentyabrın hərraclarında 618,9 milyon, oktyabrın hərraclarında 654,8 milyon dollar məbləğində vəsait alınıb.
Mərkəzi Bankın hesabatına görə, noyabrın 1-nə valyuta ehtiyatının həcmi 6 milyard 144,7 milyon dollara çatıb. Bu, 2019-cu ilin əvvəli ilə müqayisədə 519 milyon dollar çoxdur. Yanvarın 1-nə 5 milyard 625,7 milyon dollarlıq valyuta ehtiyatı vardı.
