Məzənnə yenilikləri
Mərkəzi Bank noyabrın 4-də bir çox valyutanı bahalaşdırıb. Novator.az-ın məlumatına görə, avro 1,8986, Çin yuanı 0,2419, Rusiya rublu 0,0268, Türkiyə lirəsi 0,2981 manata yüksəlib.
Məzənnəsi sabit qalan ABŞ dolları banklara 1,7 manata təklif olunur.
Dəyər itirən Gürcüstan larisinə 0,5746, İngiltərə funt sterlinqinə 2,1992 manat qiymət qoyulub (Valyutalar).
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dolların rəsmi qiyməti isə 2018-ci il martın 7-dən 1,7 manatdır.
Dövlət Neft Fondu manatın qorunması üçün Mərkəzi Bankın 2019-cu ilin yanvar-oktyabr aylarında keçirdiyi valyuta hərraclarında 5 milyard 167,6 milyon ABŞ dolları məbləğində vəsait satıb. Yanvarın hərraclarında fonddan 634,9 milyon dollar, fevralın hərraclarında 316,2 milyon dollar, martın hərraclarında 600,5 milyon dollar, aprelin hərraclarında 423,7 milyon dollar, mayın hərraclarında 352,4 milyon dollar, iyunun hərraclarında 315,9 milyon dollar, iyulun hərraclarında 434,9 milyon dollar, avqustun hərraclarında 815,4 milyon dollar, sentyabrın hərraclarında 618,9 milyon, oktyabrın hərraclarında 654,8 milyon dollar məbləğində vəsait alınıb.
