Manata nə qədər pul xırdalanıb?
Dövlət Neft Fondu rəsmi hesabat yayıb. Məlumata görə, fond Mərkəzi Bankın 2019-cu ilin oktyabr ayında keçirdiyi valyuta hərraclarında 654,8 milyon ABŞ dolları məbləğində vəsait satıb.
Bununla on ayın ümumi xərci 5 milyard 167,6 milyon dollara çatıb. Novator.az bildirir ki, yanvarın hərraclarında fonddan 634,9 milyon dollar, fevralın hərraclarında 316,2 milyon dollar, martın hərraclarında 600,5 milyon dollar, aprelin hərraclarında 423,7 milyon dollar, mayın hərraclarında 352,4 milyon dollar, iyunun hərraclarında 315,9 milyon dollar, iyulun hərraclarında 434,9 milyon dollar, avqustun hərraclarında 815,4 milyon dollar, sentyabrın hərraclarında 618,9 milyon dollar məbləğində vəsait alınıb.
ABŞ dollarının rəsmi qiyməti 2018-ci il martın 7-dən 1,7 manatdır.
2015-ci il fevralın 21-də və dekabrın 21-də baş verən iki devalvasiya nəticəsində dolların rəsmi kursu 0,7862 manatdan 1,5594 manata qalxıb.
2016-cı ildə rəsmi qiymət 1,7707 manata çatıb, 2017-ci il dekabrın 13-dən 2018-ci il martın 7-dək dollar banklara 1,7001 manata təklif olunub.
2016-cı ildə Dövlət Neft Fondu manatı qorumağa 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar sərf edib.
Avro 2019-cu ilə 1,9323, Gürcüstan larisi 0,6346, Rusiya rublu 0,0245, Türkiyə lirəsi 0,3141 manatla başlayıb.
