11-ci ayın siftəsi
Noyabrın 1-də avronun rəsmi məzənnəsi 1,8980 manata düşüb. Novator.az-ın məlumatına görə, Rusiya rublu (0,0265 manat) və Türkiyə lirəsi də (0,2977 manat) ucuzlaşıb.
ABŞ dollarının kursu 1,7 manat səviyyəsində qalıb, bahalaşan Gürcüstan larisi isə banklara 0,5750 manata təklif olunur (Valyutalar).
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb. Dolların rəsmi qiyməti 2018-ci il martın 7-dən 1,7 manatdır.
Dövlət Neft Fondu manatın qorunması üçün Mərkəzi Bankın 2019-cu ilin yanvar-sentyabr aylarında keçirdiyi valyuta hərraclarında 4 milyard 512,8 milyon ABŞ dolları məbləğində vəsait satıb.
