Xarici borc barədə rəsmi arayış
Azərbaycanın Maliyyə Nazirliyi xarici dövlət borcu ilə bağlı arayış və proqnoz yayıb. Novator.az bildirir ki, rəsmi məlumata əsasən, 1 yanvar 2018-ci ilə xarici dövlət borcunun məbləği 9 milyard 398,3 milyon ABŞ dolları məbləğində, ümumi daxili məhsulun (ÜDM) 22,8 faizi həcmində olub.
1 yanvar 2019-cu ilə xarici dövlət borcunun məbləği 8 milyard 927,1 milyon ABŞ dollarına, ÜDM-in 19 faizi həddinə düşüb.
1 iyul 2019-cu ilə xarici dövlət borcu 8 milyard 109,4 milyon ABŞ dolları məbləğində (ÜDM-in 17,3 faizi həddində) rəsmiləşib.
Maliyyə Nazirliyi 2019-cu ilin sonuna 8 milyard 107,6 milyon ABŞ dolları məbləğində xarici dövlət borcu proqnozlaşdırır.
Proqnoza görə, 2020-ci ilin sonuna xarici dövlət borcunun məbləği 7 milyard 996,2 milyon ABŞ dolları məbləğində olacaq.
1 yanvar 2011-ci ilə xarici borcun həcmi 3 milyard 857,3 milyon ABŞ dolları olub.
1 yanvar 2012-ci ilə xarici dövlət borcu 4 milyard 816,7 milyon ABŞ dollarına, 1 yanvar 2013-cü ilə 5 milyard 708,4 milyon ABŞ dollarına yüksəlib.
1 yanvar 2014-cü ilə xarici dövlət borcu 4 milyard 753,2 milyon manat, 1 yanvar 2015-ci ilə 6 milyard 478,2 milyon ABŞ dolları, 1 yanvar 2016-cı ilə 6 milyard 894,3 milyon ABŞ dolları, 1 yanvar 2017-ci ilə 6 milyard 913,2 milyon ABŞ dolları göstərilib.
