Rektora “Şöhrət” ordeni
Prezident İlham Əliyev Heydər Əsədovu “Şöhrət” ordeni ilə təltif edib. Oktyabrın 29-da imzalanan sərəncamda təltif Heydər Əsədovun təhsilin inkişafında xidmətləri ilə əsaslandırılıb.
Novator.az bildirir ki, Heydər Əsədov bu il aprelin 3-dən Azərbaycan Dövlət Dəniz Akademiyasının rektorudur.
Oktyabrın 24-də Heydər Əsədovun 60 yaşı tamam olub.
1959-cu ildə doğulan Heydər Əsədov indiki Azərbaycan Dövlət İqtisad Universitetini bitirib, həmin təhsil ocağında müəllim, baş müəllim olub. İqtisad elmləri namizədidir.
Maliyyə nazirinin müavini, Hesablama Palatasının sədri, kənd təsərrüfatı naziri vəzifələrində çalışıb.
