Rəsmi məzənnələr
Mərkəzi Bank oktyabrın 29-da avronun məzənnəsini 1,8859 manata qaldırıb. Novator.az-ın məlumatına görə, Rusiya rublu (0,0267 manat) və Türkiyə lirəsi də (0,2967 manat) bahalaşıb.
ABŞ dollarının rəsmi kursu 1,7 manat həddində qalıb, dəyər itirən Gürcüstan larisi isə banklara 0,5760 manata təklif olunur (Valyutalar).
Avro 2019-cu ilə 1,9323, lari 0,6346, rubl 0,0245, lirə 0,3141 manatla start verib. Dolların indiki kursu 2018-ci il martın 7-dən qüvvədədir.
Dövlət Neft Fondu manatın qorunması üçün Mərkəzi Bankın 2019-cu ilin yanvar-sentyabr aylarında keçirdiyi valyuta hərraclarında 4 milyard 512,8 milyon ABŞ dolları məbləğində vəsait satıb.
