Valyutaların yönü
Oktyabrın 28-də ABŞ dollarının rəsmi məzənnəsi 1,7 manat səviyyəsində saxlanıb. Novator.az-ın məlumatına görə, Mərkəzi Bank Rusiya rublunun kursunu da dəyişməyib: 0,0266 manat.
Ucuzlaşan avro banklara 1,8840, BƏƏ dirhəmi 0,4628, Gürcüstan larisi 0,5776, İngiltərə funt sterlinqi 2,1787, Türkiyə lirəsi 0,2947 manata təklif olunur.
Çin yuanı isə dəyər artırıb: 0,2408 manat (Valyutalar).
Avro 2019-cu ilə 1,9323, lari 0,6346, rubl 0,0245, lirə 0,3141 manatla start verib. Dolların indiki kursu isə 2018-ci il martın 7-dən qüvvədədir.
Dövlət Neft Fondu manatın qorunması üçün Mərkəzi Bankın 2019-cu ilin yanvar-sentyabr aylarında keçirdiyi valyuta hərraclarında 4 milyard 512,8 milyon ABŞ dolları məbləğində vəsait satıb.
Oktyabrın 25-də Mərkəzi Bankın İdarə Heyəti uçot dərəcəsini (kommersiya banklarına manatla verilən borclar üzrə faiz dərəcəsi) 8%-dən 7,75%-ə endirib. Bu qərar verilərkən qeyd edilib ki, ölkənin strateji valyuta ehtiyatları ilin əvvəlindən 11,7%, Mərkəzi Bankın valyuta ehtiyatı 9%, manatla pul bazası 8,3% artıb.
