Prezident kürsüsü müxalif namizədə qismət oldu
Argentinada oktyabrın 27-də keçirilmiş prezident seçkisi sol mərkəzçi müxalif namizəd Alberto Fernandesin qələbəsi ilə başa çatıb. Novator.az-ın məlumatına görə, o, 47,8% səslə önə çıxıb. İndiki dövlət başçısı Maurisio Makri 40,6% səs yığıb. Ölkə qanunlarına əsasən, prezident seçkisinin ilk turunda qələbə üçün 45%-dən çox səs tələb olunur.
Sağ qüvvələri təmsil edən 1959-cu il təvəllüdlü Maurisio Makri 2015-ci il noyabrın 22-də prezident seçilib.
Alberto Fernandes də 1959-cu ildə doğulub. Buenos-Ayres Universitetinin hüquq fakültəsinin məzunu olan Alberto Fernandes 2003-2008-ci illərdə Nazirlər Kabinetinə başçılıq edib.
