Ermənistan hərbi xərclərini nə qədər artırır?
Ermənistan parlamenti 2020-ci ilin dövlət büdcəsi layihəsinin müzakirəsinə başlayıb. Novator.az xəbər verir ki, layihədə xərclər 1 trilyon 880,2 milyard dram (3,9 milyard dollara yaxın), gəlirlər 1 trilyon 697,6 milyard dram (3,6 milyard dollar) göstərilir.
Proqnoza əsasən, müdafiə xərcləri 2019-cu ilə nəzərən 2% artırılaraq 194 milyard drama (408 milyon dollara yaxın) çatdırılır.
Sosial təminata 492,5 milyard dram (1 milyard 34 min dollar yaxın) ayırmaq nəzərdə tutulur. Bu, 2019-cu illə müqayisədə 11% çoxdur.
Ölkədə orta pensiya məbləğini 40 min 200 dramdan 43 min 800 drama (90 dollardan bir qədər çox) çatdırmaq planı var.
Büdcə layihəsinə görə, elm və təhsil xərcləri 13% artırılaraq 158 milyard dram (330 milyon dollara yaxın), səhiyyəyə ayrılan vəsait 22% artırılaraq 109 milyard dram (230 milyon dollara yaxın) olur.
Səidə Hüseynova
