Neft Fondunun 42,5 milyard dollarlıq aktivi var
Oktyabrın 25-də açıqlama yayan Dövlət Neft Fondu (DNF) bəyan edib ki, 2019-cu ilin yanvar-sentyabr aylarında büdcə gəlirləri 14 milyard 715,2 milyon manat, büdcə xərcləri 7 milyard 680,4 milyon manat olub.
2019-cu ilin büdcəsinə 7 milyard 536 milyon manatın köçürüldüyü, qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üzrə tədbirlərin həyata keçirilməsinə 126,4 milyon manatın ayrıldığı qeyd olunur.
DNF-nin idarə edilməsi xərcləri 18 milyon manat, valyuta məzənnələrinin dəyişməsindən yaranan fərqlə bağlı xərc 219,8 milyon manat göstərilir.
Hesabata əsasən, 30 sentyabr 2019-cu ilə fondun aktivləri 42 milyard 524,4 milyon ABŞ dollarına çatıb.
