Firudin Səməndərov vəfat edib
Azərbaycan xalq hərəkatının öncül şəxslərindən olan alim, pedaqoq, hüquq elmləri doktoru, professor Firudin Səməndərov oktyabrın 24-də vəfat edib.
Novator.az bildirir ki, Firudin Yusif oğlu Səməndərov 1939-cu il aprelin 12-də Saatlı rayonunda doğulub. İndiki Bakı Dövlət Universitetinin hüquq fakültəsini və cinayət hüququ kafedrasının aspiranturasını bitirib.
1969-cu ildən hüquq fakültəsində müəllim, dosent vəzifələrində çalışıb, 1985-1989-cu illərdə fakültənin dekanı, 1992-1993-cü illərdə BDU-nun rektoru, sonralar cinayət hüququ və kriminologiya kafedrasının müdiri olub.
Milli azadlıq hərəkatının fəal iştirakçısı kimi tanınan Firudin Səməndərov 1990-1991-ci illərdə Azərbaycan Xalq Cəbhəsinin İdarə Heyətində təmsil olunub.
Allah rəhmət eləsin!
