ABŞ Konqresində erməni layihəsi
ABŞ Konqresinin aşağı instansiyası olan Nümayəndələr Palatası qondarma erməni soyqırımı ilə bağlı qətnamə layihəsinə baxmağa hazırlaşır. Novator.az-ın məlumatına görə, Amerika Erməniləri Milli Komitəsi oktyabrın 25-də “Erməni soyqırımına dair ABŞ protokolunun təsdiqi” adlanan layihənin gələn həftə səsverməyə çıxarılacağını bəyan edib. Bu, son 30 ildə ilk belə haldır.
Respublikaçı konqresmen Adam Şiffin təqdim elədiyi qətnamə layihəsinə 130 nəfərin dəstək verdiyi bildirilir. Nümayəndələr Palatası 435 nəfərdən ibarətdir.
Saxta soyqırımı iddialarına görə, 1915-ci il aprelin 24-dən başlayaraq 1923-cü ilə kimi Türkiyədə 1 milyon 500 min nəfər erməni öldürülüb. Bu iddiaları indiyədək bir çox ölkə (Fransa, İtaliya, İsveç, İsveçrə, Avstriya, Niderland, Belçika, Lüksemburq, Yunanıstan, Kipr, Danimarka, Polşa, Çexiya, Slovakiya, Vatikan, Litva, Rusiya, Kanada, Uruqvay, Braziliya, Argentina, Çili, Venesuela, Boliviya, Livan və s.), bəzi beynəlxalq qurumlar, həmçinin ABŞ-ın 49 ştatı rəsmən tanıyıb.
