25 oktyabr qiymətləri
Dünya birjalarında neftin qiyməti müxtəlif cür dəyişib. AZƏRTAC xəbər verir ki, London birjasında brent markalı neftin bir barreli 61,44 dollara, Nyu-York birjasında layt markalı neftin bir barreli 55,98 dollara düşüb.
Dəyər artıran Azərbaycan nefti “AzəriLayt”ın bir barreli isə 65,66 dollara satılır.
Azərbaycanın 2019-cu il büdcəsində neftin qiyməti 60 dollardan götürülüb. “AzəriLayt”ın bir barreli yanvara 57,19, fevrala 63,69, marta 67,62, aprelə 70,82, maya 75,55, iyuna 67,09, iyula 66,75, avqusta 67,44, sentyabra 60,85, oktyabra 63,36 dollarla start verib.
Energetika Nazirliyinin hesabatına görə, yanvarda gündəlik neft hasilatı 793 min barrel, fevralda 806 min barrel, martda 798 min barrel, apreldə 683 min barrel, mayda 776 min barrel, iyunda 768 min barrel, iyulda 778 min barrel, avqustda 749 min barrel, sentyabrda 755 min barrel olub. Yanvar-sentyabr ayları üzrə orta gündəlik hasilat 767 min barrel göstərilib.
