Bankların durumu açıqlanıb
Maliyyə Bazarlarına Nəzarət Palatası bank sektorunun göstəricilərini açıqlayıb. Novator.az bildirir ki, rəsmi hesabata görə, 2019-cu il oktyabrın 1-nə Azərbaycanda fəaliyyət göstərən bankların 31 milyard 363,3 milyon manat aktivi, 26 milyard 674,8 milyon manat öhdəliyi olub.
30 bankın ümumi kredit portfeli 13 milyard 872,1 milyon manat göstərilir. Bunun 61,6%-ni biznes, 38,4%-ni istehlak kreditləri təşkil edib.
Fiziki şəxslərin əmanətləri 8 milyard 491,3 milyon manat həddində rəsmiləşib.
2019-cu ilin 9 ayı ərzində bank sektorunun 522,7 milyon manat xalis mənfəət əldə etdiyi bildirilir.
Bankların ümumilikdə 515 filialı, 129 şöbəsi, 18 min 911 nəfər işçisi var.
