Seçki qələbəsi tam olmadı
Kanadada oktyabrın 21-də keçirilmiş parlament seçkisinin ilkin nəticələri açıqlanıb. Novator.az xəbər verir ki, Milli Seçki Komissiyasının hesabatına görə, baş nazir Castin Tryudonun Liberal Partiyası önə çıxıb. Amma hakim partiya qanunverici orqanın aşağı palatası olan İcmalar Palatasında çoxluq qazana bilməyib. Hökuməti formalaşdırmaq üçün 170 mandat lazımdır. Liberal Partiya isə 338 seçki dairəsinin 156-da üstünlük qazanıb.
İlkin hesabata əsasən, 122 seçki dairəsində qalib gələn Mühafizəkar Partiya parlamentin ikinci partiyası olub.
Kvebek Bloku 32, Yeni Demokrat Partiyası 24, Yaşıllar Partiyası 3 dairədə qalib gəlib.
Daha 1 mandatı müstəqil namizəd götürüb.
27,4 milyon seçicinin qeydə alındığı Kanadada 21 oktyabr seçkisinə səsvermə hüququ olanların 62,8%-i qatılıb.
1971-ci il təvəllüdlü Castin Tryudo 2015-ci ildən baş nazir postunu tutur.
Səidə Hüseynova
