Gürcüstanın xarici ticarət göstəriciləri
Gürcüstanın Milli Statistika Xidməti 2019-cu ilin 9 ayı üzrə xarici ticarət hesabatı açıqlayıb. Novator.az xəbər verir ki, statistikaya əsasən, yanvar-sentyabr aylarında ölkənin xarici ticarət dövriyyəsi 2018-ci ilin eyni dövrü ilə müqayisədə 0,5% artaraq 9,2 milyard dollara yaxınlaşıb.
9 ayda Gürcüstandan 2,7 milyard dollardan çox dəyərdə məhsul ixrac olunub. Bu, 2018-ci ilin 9 ayı ilə müqayisədə 11,1% çoxdur.
Rəsmi məlumata görə, ilin əvvəlindən Gürcüstana 6,5 milyard dollar həcmində məhsul idxal olunub. Bu, 2018-ci ilin yanvar-sentyabr ayları ilə müqayisədə 3,3% azdır.
Hesabata əsasən, Gürcüstanın əsas xarici ticarət tərəfdaşları Türkiyə, Rusiya və Çindir. Yanvar-sentyabr ayları ərzində Gürcüstanın bu ölkələrlə xarici ticarət dövriyyəsi ümumi ticarət dövriyyəsinin 33,7%-nə bərabər olub.
Gürcüstanın xarici ticarət tərəfdaşları arasında Azərbaycan 4-cüdür. 9 ayda Gürcüstanın Azərbaycanla xarici ticarət dövriyyəsi 754,9 milyon dolları haqlayıb.
Səidə Hüseynova
