Aksiya: inzibati həbs cəzası alanların siyahısı
Novator.az Xalq Cəbhəsi və Müsavat partiyalarındakı mənbələrə əsaslanaraq Demokratik Qüvvələrin Milli Şurasının 19 oktyabr aksiyasına görə inzibati həbs cəzası alanların siyahısını təqdim edir:
Aksiya günü tutulanlar
Tofiq Yaqublu, Müsavat – 30 sutka
Rüfət Səfərov, bitərəf – 30 sutka
Baba Süleymanov, AXCP – 30 sutka
Cabbar Savalanlı, AXCP – 20 sutka
Rəşad Qədirov, AXCP – 15 sutka
Bəxtiyar Yusubov, AXCP – 15 sutka
Rəşad Həsənov, AXCP – 15 sutka
Nicat Abdullayev, AXCP – 10 sutka
Abış Astanov, AXCP – 10 sutka
İdrak Şirəliyev, AXCP – 10 sutka
Əlizamin Həsənov, AXCP – 10 sutka
Natiq Əfəndiyev, AXCP – 10 sutka.
Aksiyadan əvvəlki günlərdə tutulanlar
İlham Hüseyn, AXCP – 60 sutka
Əliağa Məmmədov, AXCP – 30 sutka
Saqif Qurbanov, AXCP – 30 sutka
Emil Səlimov, AXCP – 30 sutka
Abdulla Mahmudov, AXCP – 30 sutka
Ramid Nağıyev, AXCP – 20 sutka
Baha Mikayılov, Müsavat – 15 sutka
Seymur Həzi, AXCP – 15 sutka
Əlizamin Salayev, AXCP – 15 sutka
Elxan Əliyev, AXCP – 15 sutka
Nicat Nizamov, AXCP – 15 sutka
Murad Sultanov, AXCP – 15 sutka
Yalçın Abdullayev, AXCP – 15 sutka
Orxan Səlimzadə, AXCP – 15 sutka
Qoşqar Nuralıyev, Müsavat – 10 sutka
Tofiq Məmmədov, AXCP – 10 sutka
Sübhi Həsənov, AXCP – 10 sutka.
Əliqulu Qəhrəmanov, AXCP – 5 sutka
Şaiq Ələkbərov, AXCP – 5 sutka.
Oktyabrın 15-də tutulan AXCP üzvü Paşa Umudova satış məqsədi ilə qanunsuz olaraq narkotik saxlama ittihamı irəli sürülüb, onun barəsində 3 aylıq həbs qətimkan tədbiri seçib.
2013-cü ildə yaradılmış Milli Şuraya tarix elmləri doktoru Cəmil Həsənli sədrlik edir. Qurumun fəaliyyətinə rəhbərlik edən Koordinasiya Mərkəzində AXCP sədri Əli Kərimli, onun müavinləri Vahid Məhərrəmli, Gözəl Bayramlı, Müsavat Partiyasından Tofiq Yaqublu, sabiq deputatlar İbrahim İbrahimli, Gültəkin Hacıbəyli və başqaları yer alır.
Bakı Şəhər İcra Hakimiyyətinə 19 oktyabr mitinqi ilə bağlı müraciətində Milli Şura aksiyaya üç yerdən birinin ayrılmasını istəyib: “28 May” metro stansiyasının qarşısındakı meydan, Tofiq Bəhramov stadionunun qarşısındakı meydan və “Nəriman Nərimanov” metro stansiyasının yanındakı park.
Meriya mitinqi Qaradağ rayonunun Lökbatan qəsəbəsində, “Neftçi” İdman Klubu Birliyinin Qaradağ Təlim-İdman Bazasının stadionunda keçirməyi məsləhət görüb. Bununla razılaşmayan Milli Şura mitinqi “28 May” metro stansiyasının əsas girişinin qarşısındakı meydanda keçirməyə qərar verib.
“28 May” stansiyası qarşısında toplaşmağa imkan verilmədiyi üçün aksiyaçılar həmin əraziyə yaxın yerlərdə – Heydər Əliyev parkında və Bakı Musiqi Akademiyasının qarşısında toplanıb müxtəlif şüarlar səsləndiriblər.
