Yaxın ölkələrlə ticarət statistikası
Dövlət Gömrük Komitəsinin rəsmi hesabatına görə, 2019-cu ilin yanvar-sentyabr aylarında Azərbaycan Türkiyəyə 2,2 milyard dollarlıq məhsul ixrac edib.
Yaxın ölkələrlə rəsmi ticarət statistikasına nəzər salan Novator.az bildirir ki, Rusiyaya 499,1 milyon dollarlıq, Gürcüstana 415,4 milyon dollarlıq, Ukraynaya 280,3 milyon dollarlıq, İrana 27,7 milyon dollarlıq, Qazaxıstana 18,9 milyon dollarlıq, Türkmənistana 18 milyon dollarlıq, Özbəkistana 16,2 milyon dollarlıq, Belarusa 15,5 milyon dollarlıq, Tacikistana 2,8 milyon dollarlıq, Estoniyaya 2 milyon dollarlıq, Qırğızıstana 2 milyon dollarlıq, Litvaya 1,2 milyon dollarlıq, Latviyaya 555,6 min dollarlıq, Moldovaya 376,7 min dollarlıq ixrac qeydə alınıb.
Yanvar-sentyabr aylarında Azərbaycan Rusiyadan 1,6 milyard dollarlıq mal alıb.
Türkiyədən Azərbaycana 1,1 milyard dollarlıq, İrandan 362,9 milyon dollarlıq, Ukraynadan 342,9 milyon dollarlıq, Qazaxıstandan 163,8 milyon dollarlıq, Belarusdan 129,8 milyon dollarlıq məhsul göndərilib.
Digər yaxın ölkələrdən doqquz aylıq idxal göstəriciləri belə rəsmiləşib:
Türkmənistan – 144,7 milyon dollar
Gürcüstan – 53 milyon dollar
Özbəkistan – 34,8 milyon dollar
Litva – 11,4 milyon dollar
Latviya – 8,4 milyon dollar
Moldova – 3,6 milyon dollar
Qırğızıstan – 1,7 milyon dollar
Estoniya – 1,3 milyon dollar
Tacikistan – 8,8 min dollar.
