Valyutaların yönü
Mərkəzi Bank oktyabrın 17-də avronun məzənnəsini 1,8829 manata qaldırıb. Novator.az-ın məlumatına görə, Rusiya rublu (0,0265 manat) və Türkiyə lirəsi də (0,2890 manat) bahalaşıb.
ABŞ dollarının rəsmi qiyməti 1,7 manat həddində saxlanıb, dəyər itirən Gürcüstan larisi isə banklara 0,5730 manata təklif olunur (Valyutalar).
Avro 2019-cu ilə 1,9323, lari 0,6346, rubl 0,0245, lirə 0,3141 manatla start verib. Dolların indiki qiyməti 2018-ci il martın 7-dən qüvvədədir.
Dövlət Neft Fondu manatın qorunması üçün Mərkəzi Bankın 2019-cu ilin doqquz ayında keçirdiyi valyuta hərraclarında 4 milyard 512,8 milyon ABŞ dolları məbləğində vəsait satıb.
