Qiymətlər 2,6%, orta maaş 8,9% artıb
2019-cu ilin yanvar-sentyabr aylarında istehlak məhsulları və xidmətlər ötən ilin doqquz ayına nisbətdə 2,6 faiz bahalaşıb. Novator.az-ın məlumatına görə, Dövlət Statistika Komitəsi ərzaq məhsulları, içkilər və tütün məmulatlarının qiymətlərinin 3,5 faiz, qeyri-ərzaq mallarının qiymətlərinin 1,3 faiz, əhaliyə göstərilən ödənişli xidmətlərin qiymətlərinin 2,4 faiz artdığını bildirir.
Başqa bir rəsmi hesabata əsasən, 2019-cu il sentyabrın 1-nə ölkə iqtisadiyyatında muzdla çalışan işçilərin sayı 1 milyon 611,1 min nəfər olub. Yanvar-avqust aylarında ölkə iqtisadiyyatında muzdla çalışan işçilərin orta aylıq nominal əməkhaqqının əvvəlki ilin müvafiq dövrünə nisbətən 8,9 faiz artaraq 589,3 manata çatdığı vurğulanır.
